سولر پمپ جنرل شرینی دے کساناں لئی 60% اتے انوسوچت جاتی (ایس.سی.) دے کساناں لئی 80% سبسڈی

جگدیش تھند
پھازلکا، 17 ستمبر

جہڑے کسان سولر پمپ سرکار دی سبسڈی سکیم تحت لگواؤنا چاہندے ہون اوہ ترنت پیڈا کول آنلائین اپلائی کر سکدے ہن۔ ایہہ گلّ ضلعے دے ڈپٹی کمیشنر امرپریت کور سندھو نے آکھی ہے۔ ذکر یوگ ہے کہ پنجاب وچّ کھیتی باڑی واسطے سورجی اورجا دی ورتوں لئی اہم پہل قدمی کردیاں پنجاب اورجا وکاس ایجنسی (پیڈا) نے 20,000 سولر پمپاں (سرپھیس اتے سبمرسیبل) لئی عرضیاں منگیاں ہن۔

ڈپٹی کمیشنر  نے دسیا کہ سولر پمپ لگاؤن دے اچھک کسان www.pmkusum.peda.gov.in 30 ستمبر، 2024 تکّ آنلائین اپلائی کر سکدے ہن۔ اوہناں دسیا کہ کسان 3, 5, 7.5 اتے 10 ایچ.پی. دی سمرتھا والے سولر پمپاں واسطے اپلائی کر سکدے ہن۔ سولر پمپ لگاؤن لئی جنرل شرینی دے کساناں لئی 60% اتے انوسوچت جاتی (ایس.سی.) دے کساناں لئی 80% سبسڈی دتی جاوے گی۔ اس توں علاوہ صوبہ سرکار نے انوسوچت جاتی دے کساناں لئی 2000 اتے گرام پنچائتاں لئی 3000 سولر پمپ راکھویں رکھے ہن۔

اوہناں دسیا کہ ڈارک زون (دھرتی ہیٹھلے پانی دی زیادہ ورتوں والے بلاک) وجوں شرینیبدھّ کیتے گئے کھیتراں وچّ، ایہہ پمپ اوہناں کساناں نوں الاٹ کیتے جانگے جیہناں دیاں موٹراں 'تے پہلاں توں ہی مائیکرو (تپکا/پھہارا) سنجائی سسٹم لگا ہویا ہے۔ اس توں علاوہ پنڈاں دے چھپڑاں، کھیتاں دے تلاباں، جاں نہری پانی والیاں ڈگیاں ‘چوں پانی کڈھن لئی ڈیزل پمپاں دی ورتوں کرن والے کسان اتے پنچائتاں وی اس سکیم ادھین اپلائی کرن دے یوگ ہن۔

ڈپٹی کمیشنر نے سپشٹ کیتا کہ جہڑے کساناں کول پی.ایسّ.پی.سی.ایلّ. دے الیکٹرک موٹر کنیکشن ہن جاں جیہناں نے اپنے ناں 'تے جاں اپنے پروارک میمبراں دے ناں 'تے سنجائی لئی سولر پمپ لگائے ہوئے ہن، اوہ اس سکیم ادھین اپلائی کرن دے یوگ نہیں ہن۔ اوہناں دسیا کہ اچھکّ کسان www.pmkusum.peda.gov.in اتے جا کے اس سکیم بارے ہور جانکاری لین توں علاوہ بروشر ڈاؤنلوڈ کر سکدے ہن۔

پھازلکا ضلعے دے ابوہر، ارنیوالا شیخ سبانپر، فاضلکا، کھوئیاں سرور بلاک سرکھیت زون وچّ آؤندے ہن۔ ایہناں سرکھیت زوناں دے کسان بناں کسے شرط دے سولر پمپاں لئی اپلائی کر سکدے ہن۔